Tips: Cara Ngilangin Bau Jengkol Biar Tetep Cool

Assalamualaikum….

Hualllow Van Oyen en temen-temen blogger semua, kenalin ane evrina. Ga’ sengaja nih ane jalan-jalan di blog eh ketemu sama blog nya Van Oyen yang kocak en bikin ane ngakak soalnya lain dari pada nyang lain nih, udah gitu unik bin ajaib juga soalnya ane baru nemu di dunia yang bikin kontes tentang perjengkolan haha. Ga’ mikir panjang ane mau ikutan ah, seru nih kayanya ngomoning jengkol hehe.

Ane mo cerita nih, dulu waktu kecil ane penggemar berat nyang namanya jengkol. Itu jengkol mau disemur, direndang, ato cuma dilalap pake sambel aja ane demen banget. Eh pas ane udah gede sampe sekarang udah jarang nyang namannya makan jengkol. Jengkol ibarat kata kaya daging ayam, sedep gituh, apalagi klo udah direndang rasanya maknyus.

Nah, nyang sekarang masih demen sama jengkol laki (baca:suami) ane nih, dia mah mulai dari jengkol mentah ampe dibumbuin macem-macem pasti demen. Biar makan jengkol jadi asik, ane ada tips sedikit buat ngurangin baunya, cekidot yak:

  1. Supaya kadar amoniak nyang ngebikin bau jengkol berkurang, mendingan masak jengkolnya hingga matang kaya di rendang ato disemur. Kalo digoreng ato dilalap langsung masih bau tuh

  2. Abis makan jengkol nyang sedep itu, langsung aja ya ngunyah beras sejumput

  3. Terus makan timun, satu aje jangan banyak-banyak, baunya ntar berkurang dikit deh

  4. Terus makan permen, permen ape aje bebas deh

  5. Nyang paling terakhir biar makin pres (in inggeris tulisannya fresh) yaitu gosok gigi, selain baunye ilang juga bikin kuman kapok (kaya iklan aja)

Gampang kan? Tips ini udah dicoba sama laki ane, lumayan ga’ bau banget abis dia makan jengkol. Nah, ga cuma jengkol, kalo abis makan pete juga bisa dipraktekin tuh tips di atas. Ga percaya? Coba aja hehe.

Sekian tips cara mengurangi bau jengkol mudah-mudahan makan jengkol makin asik en tetep cool. Salam jengkol *nepuk-nepuk pom-pom*

Advertisements

8 thoughts on “Tips: Cara Ngilangin Bau Jengkol Biar Tetep Cool

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s